ԵՊԲՀ. Գիտաժողով եռատոնին ընդառաջ

Արցախի առողջապահության նախարարության Հանրապետական բժշկական կենտրոնի մասնագետների նախաձեռնությամբ տեղի է ունեցել բժշկական գիտաժողով՝ նվիրված մայիսյան եռատոնին:
 

Բացման հանդիսավոր արարողության ժամանակ Արցախի առողջապահության նախարար Կարինե Աթայանը նշել է, որ բժշկությունը այնպիսի գիտություն է, որը մշտապես պահանջում է կատարելագործում, մասնագիտական մակարդակի բարձրացման ուղղությամբ, և այդ համատեքստում կարևորել նման գիտաժողովների անցկացումը:
  

Մասնագետների գնահատմամբ նման ձևաչափի միջոցառումները շատ կարևոր են, որ իրենց կողմից ներկայացվում են բժշկության վերաբերյալ գիտական մոտեցումները:
  

Այն նաև ունի ինքնուսուցման նպատակ, որը իրականանում է գործընկերների հետ փորձի փոխանակմամբ: Բժշկական գիտաժողովի կազմակերպումն անհրաժեշտ և կարևոր է այն առումով, որ բժիշկները կարողանան կիսվել փորձով, ներկայացնել կատարած աշխատանքների արդյունքների վերլուծություն:
  

Բացման հանդիսավոր արարողությունից հետո ներկայացվել են թեմաները, որոնք հիմնականում վերաբերվել են սիրտ-անոթային, վիրաբուժական, վնասվածքաբանական,ակնաբուժական և այլ խնդիրներին:
  

Ընդհանուր առմամբ 11 զեկույց է ներկայացվել:

Հարցեր, պատասխաններ, մեկնաբանություններ